ອົງການສະຫະປະຊາຊາດ ໄດ້ໃຫ້ຄວາມສໍາຄັນ ຕໍ່ວຽກງານຕ້ານການຄ້າມະນຸດເປັນພິເສດ ຊຶ່ງໃນປີ 2010 ກອງປະຊຸມສະມັດຊາໃຫ່ຍຂອງອົງການສະຫະປະຊາຊາດ ໄດ້ຮັບຮອງເອົາແຜນປະຕິບັດງານສາກົນກ່ຽວກັບການຕ້ານການຄ້າມະນຸດ ແລະ ຕໍ່ມາໃນວັນທີ 18 ທັນວາ 2013 ກອງປະຊຸມສະມັດຊາໃຫ່ຍຂອງອົງການສະຫະປະຊາຊາດ ຄັ້ງທີ 68 ໄດ້ຮັບຮອງເອົາຍັດຕິ ເລກທີ A/RES/68/192 ກ່ຽວກັບການເພີ່ມທະວີຄວາມພະຍາຍາມໃນການປະສານງານ ເພື່ອຕ້ານການຄ້າມະນຸດ ແລະ ໄດ້ຕົກລົງເອົາວັນທີ 30 ກໍລະກົດ ຂອງທຸກໆປີ ເປັນວັນສາກົນເພື່ອຕ້ານການຄ້າມະນຸດ ເຊິ່ງມະຕິສະບັບນີ້ໄດ້ປະກາດວ່າ ວັນດັ່ງກ່າວມີຄວາມຈຳເປັນເພື່ອຍົກສູງຄວາມຮັບຮູ້ກ່ຽວກັບສະພາບການຂອງຜູ້ຖືກເຄາະຮ້າຍຈາກການຄ້າມະນຸດ ແລະ ຊຸກຍູ້ການປົກປ້ອງສິດຂອງເຂົາເຈົ້າ, ໂດຍໃຫ້ເລີ່ມຈັດຕັ້ງປະຕິບັດວັນດັ່ງກ່າວນັບແຕ່ປີ 2014 ເປັນຕົ້ນໄປ
ສປປ ລາວ ກໍ່ແມ່ນປະເທດໜຶ່ງ ທີ່ໄດ້ຈັດຕັ້ງປະຕິບັດ ວັນສາກົນເພື່ອຕ້ານການຄ້າມະນຸດ ໃນແຕ່ລະປີ ນັບແຕ່ປີ 2014 ເປັນຕົ້ນມາ ເພື່ອເປັນການປະຕິບັດພັນທະຕໍ່ສາກົນ ພ້ອມທັງຖືໂອກາດເອົາວັນດັ່ງກ່າວ ໂຄສະນາຜົນຮ້າຍຂອງການຄ້າມະນຸດ ໃຫ້ປະຊາຊົນບັນດາເຜົ່າ ໄດ້ຮັບຮູ້, ເຂົ້າໃຈ ແລະ ມີສະຕິລະວັງຕົວ ບໍ່ຕົກເປັນຜູ້ຖືກເຄາະຮ້າຍຈາກການຄ້າມະນຸດ
ຮ່ວມໃຈຕ້ານການຄ້າມະນຸດ
JOIN IN THE FIGHT AGAINST TRAFFICKING IN PERSONS
ມີສະຕິ ກ່ອນໝັ້ນໝາຍ ຫຼື ແຕ່ງດອງ ເພື່ອປອດໄພຈາກການຄ້າມະນຸດ
Be mindful of potential risks before entering an engagement or marriage to be safe from trafficking in persons
ໄປອອກແຮງງານແບບຖືກຕ້ອງ ຈຶ່ງປອດໄພ ແລະ ຫ່າງໄກ ຈາກການຄ້າມະນຸດ
Ensure Safe and Legal Employment to Avoid Trafficking in Persons
ຢຸດເຊົາການເຜີຍແຜ່ສິ່ງລາມົກອານາຈານ ຜ່ານສື່ຕ່າງໆ
STOP THE SPREAD OF PORNOGRAPHY ACROSS ALL MEDIA PLATFORMS
ການຖືພາໃຫ້ຜູ້ອື່ນໂດຍບໍ່ຖືກຕ້ອງ ເປັນການຄ້າມະນຸດ
Illegal surrogacy is A FORM OF trafficking in persons